Umr daftaridan qaysi kuni ochdim-u fol,
Kuygan dilini etdi bayon sohibi hol:
Baxtli kishi ulkim, tuni yildek cho‘zilib,
Qo‘ynida suyuk yori to‘lishsa chu* hilol.
- Chu — chun; bamisoli, o‘xshash, monand.
Tokaygacha umring o‘tadi o‘zni deya,
Yo tashvishini borligu yo‘qlikni yeya.
Ich bodani, qasdida yurar bo‘lsa ajal,
Umr o‘tgani soz uyqu yo mastlikda-ku-ya…
Ul ko‘zanikim bodasi yo‘q — ahvoli bad,
To‘ldir kosani, o‘zing ich-u, menga uzat.
To ko‘zaga aylangunicha tuprog‘ing
Umringning o‘tar har onini bil g‘animat.